दक्षिणकालीको खोँचमा दुई जनाको शव भेटियो

काठमाडौं । काठमाडौंको दक्षिणकाली नगरपालिका–८ को खोँचमा २ जनाको शव फेला परेको छ । फेला परेको शव एक जना महिला र अर्को पुरुषको भएको प्रहरी विपद् व्यवस्थापन कार्यालय सामाखुसीले जनाएको छ । मृतकको नजिकै बागमती प्रदेश–००२ च–०२७ च ३८१२ नम्बरको मोटरसाइकल पनि भेटिएको छ । अप्ठ्यारो भीरमा रहेकाले शवहरु निकाल्न सामाखुशीको प्रहरी टोली परिचालन गरिएको छ । उनीहरु करिब ५ दिनअघि मोटरसाइकलसँगै खसेको हुनसक्ने अनुमान गरिएको छ ।