रामेछापको चनखुमा ट्रक दुर्घटना हुँदा तीन जना घाइते

रामेछाप । रामेछापको मन्थली नगरपालिका–१० चनखुमा ट्रक दुर्घटना हुँदा चालक सहित तीन जना घाइते भएका छन् ।

सोमबार राति साढे ८ बजेको सयमा बाँस बोकेर मन्थली तर्फ आउँदै गरेको बा ५ ख ८०७१ नम्बरको ट्रक चनखुको लामा टोलमा आफै अनियन्त्रित भई करिब १०० मिटर तल खस्दा चालक सहित तीन जना घाइते भएका जिल्ला प्रहरी कार्यालय रामेछापले जनाएको छ ।

प्रहरीका अनुसार ट्रक चालक रामेछापको खाँडादेवी गाउँपालिका–५ पकरबासका ३८ वर्षका राजु ढुङ्गेलको दायाँ आँखामाथि निधारमा चोट लागेको र अवस्था मध्यम छ । अन्य दुई जना सामान्य घाइते भएकोमा उपचार नगरी आ–आफ्नो घर तर्फ गइसकेकाले उनीहरूको नाम थर वतन समेत नखुलेको प्रहरीको भनाइ छ ।