खिम्ती–२ जलविद्युत आयोजना निर्माण गरिरहेको पिपुल्स इनर्जीले आइपिओ निष्कासन गर्दै

रामेछाप । रामेछाप र दोलखाको सीमामा पर्ने खिम्ती खोलामा खिम्ती –२ जलविद्युत आयोजना निर्माण गरिरहेको पिपुल्स इनर्जी लिमिटेडले साधारण सेयर (आइपिओ) निष्कासन गर्ने भएको छ ।

खिम्ती खोलामा ४८ दशमलव ८ मेगावाट क्षमताको खिम्ती –२ जलविद्युत आयोजना निर्माण गरिरहेको यो कम्पनीले आइपिओ) निष्कासनका लागि नेपाल धितो पत्र बोर्ड (सेबोन) सँग अनुमति मागेको छ ।
कम्पनीले प्रतिकित्ता १ सय रुपैयाँ अङ्कित दरमा आयोजना प्रभावित र सर्वसाधारणका लागि ६६ लाख कित्ता आइपिओ निष्कासनका लागि बोर्डसँग अनुमति मागेको हो । आइपिओ जारी गर्न सबै प्रक्रिया पूरा गरी बोर्डमा आवेदन दिइएको पिपुल्स इनर्जीका कार्यकारी अध्यक्ष कृष्णप्रसाद आचार्यले जनाकारी दिनुभयो ।

खिम्ती –२ जलविद्युत आयोजना २०८१ सालभित्रै निर्माण सम्पन्न गर्ने लक्ष्यसहित आयोजनाका हेडवक्र्स, इन्टेक, सुरुङ, विद्युत् गृह लगायत संरचना निर्माणको काम अन्तिम चरणमा पुगेको पिपुल्सका कम्पनीका सचिव जनार्दन अर्यालले जनाकारी दिनुभयो । आयोजनाबाट उत्पादित विद्युत् गज्र्याङ–खिम्ती सब स्टेसनमा चार्ज गर्ने गरी भित्रने (लुपइन) र बाहिरिने (लुपु आउट) १ सय ३२ केभी क्षमताको प्रसारण लाइन निर्माणको काम समेत जारी रहेको पिपुल्स हाइड्रोका सञ्चालक दिल सुन्दर श्रेष्ठले जनकारी दिनुभयो ।