भाइरल झाँक्री प्रकाश भुजेल रामेछापको मन्थलीमा

रामेछाप । भाइरल झाँक्री प्रकाश भुजेल रामेछाप आएका छन् । सदरमुकाम मन्थलीमा साउन २६ गतेदेखि चलिरहेको श्रीमद्भागवत सप्ताह ज्ञान महायज्ञका लागि झाँक्री भुजेल मङ्गलवार साँझ मन्थली आएका हुन् ।

झाँक्री भुजेललाई मन्थली स्थित देवकोटा चोकमा संस्कृति संरक्षण तथा सामाजिक विकास केन्द्र नेपालकी केन्द्रीय अध्यक्ष सीता सुनुवार लगायतले पञ्चेबाजा सहित स्वागत गरेका छन् ।

संस्कृति संरक्षण तथा पर्यटन प्रवर्द्धन लागि मन्थलीमा सांस्कृतिक संग्राहलय निर्माणका लागि संस्कृति संरक्षण तथा सामाजिक विकास केन्द्र नेपालले मन्थलीमा श्रीमद्भागवत सप्ताह ज्ञान महायज्ञ आयोजना गरेको हो । जिल्ला समन्वय समिति रामेछापको प्राङ्गणमा चलिरहेको श्रीमद्भागवत सप्ताह ज्ञान महायज्ञ साउन ३२ गतेसम्म सञ्चालन हुने आयोजकले जनाएको छ ।