आफ्नै देशलाई चोट लाग्दा मन दुख्छ हाम्रो
जमिन अनि नक्सा काट्दा मन दुख्छ हाम्रो ।।
कति गरौँ गाली हाम्ले राज्यका नालायकलाई
आँखा सामु भूमि फाट्दा मन दुख्छ हाम्रो ।।
Advertisement
वीर गोर्खाली भन्न अब लाज लाग्छ हामीलाई
भारतसँग सरकार भाग्दा मन दुख्छ हाम्रो ।।
अब साच्चै उठ्नु पर्छ हामी जनता एक भइ
कालापानी,लिपुलेक नाप्दा मन दुख्छ हाम्रो ।।
Advertisement
सपना नै जस्तो लाग्छ, मेरो देशको हालत हेर्दा
बिपनीमा झण्डा छाम्दा मन दुख्छ हाम्रो ।।
Advertisement
श्रवण कुमार प्रधान
खोटाङ ।
राम्रो छ