रामेछापको दोरम्बा शैलुङ गाउँपालिकामा पहिरोले ४ घर बगायो, ११ जना बेपत्ता

रामेछाप । रामेछापको दोरम्बा शैलुङ गाउँपालिका–३ टोकरपुर स्थित लेखर्कमा पहिरोले बस्ती बगाउँदा ११ जना बेपत्ता भएका छन् । अविरल वर्षापछि गयराति ११ः४५ बजेको समयमा गाउँभन्दा माथिबाट आएको पहिरोले लेखखर्कका ४ घर बगाउँदा ११ जना बेपत्ता भएको स्थानीयहरूले बताएका छन् ।

बाढीले दोरम्बा शैलुङ गाउँपालिकाको वडा नं ३ र २ को बिचमा रहेको पक्की पुल पनि बगाएको स्थानीयले बताएका छन् । गयातिर अविरल वर्षापछि स्थानीय खोलाहरूमा ठुलो बढी आएको छ ।

मध्य राति अविरल वर्षापछि आएको पहिरोले लेखर्कमा ४ घर बगाउँदा ११ जना बेपत्ता भएको दोरम्बा शैलुङ गाउँपालिका–३ टोकरपुरकी वडा सदस्य सन्तमाया थापामगरले जानकारी दिनुभयो । घटनाबारे पूर्ण विवरण भने आउन बाकी नै छ ।