अखिल क्रान्तिकारी रामेछापको १७ औँ जिल्ला सम्मेलन मन्थलीमा सुरु

रामेछाप । अखिल नेपाल राष्ट्रिय स्वतन्त्र विद्यार्थी युनियन(क्रान्तिकारी) रामेछापको १७ औँ जिल्ला सम्मेलन मन्थलीमा सुरु भएको छ ।

शनिवार सङ्गठनका केन्द्रीय उपाध्यक्ष पवन कार्कीको प्रमुख आतिथ्यमा अखिल (क्रान्तिकारी) रामेछापको १७ औ जिल्ला सम्मेलन सुरु भएको हो । सम्मेलनमा अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) मा आबद्ध रामेछाप जिल्ला भरीका नेता तथा विद्यार्थीहरूको सहभागिता रहेको छ ।

सम्मेलनमा नेकपा माओवादी केन्द्र रामेछापका नेता एवं बागमती प्रदेश सभा सदस्य तारानारायण श्रेष्ठ, दोरम्बा शैलुङ गाउँपालिका अध्यक्ष मैनकुमार मोक्तान(मदन), पूर्व अध्यक्ष कमानसिंह मोक्तान लगायतका नेताहरूको सहभागिता रहेको छ । यो जिल्ल सम्मेलनले नयाँ नेतृत्व चयन गर्ने छ ।