बिपी राजमार्ग पूर्ण रूपमा अवरुद्ध, रोशी खोलाको बाढीले सडक बगायो

काभ्रे । अविरल वर्षाका कारण बिपी राजमार्ग पूर्ण रूपमा अवरुद्ध भएको छ । काभ्रेको नेपाल थोक स्थित रोशी खोलामा आएको बाढीले सडक बगाएपछि सडक पूर्ण रूपमा अवरुद्ध भएको स्थानीय राज मैनालीले जानकारी दिनुभयो । उहाँका अनुसार रोशी खोलाले बिपी राजमार्ग अन्तरगत नेपाल थोक खण्डमा प्रहरी चौकी भन्दा १०० मिटरमाथि सडक बाढीले बगाएको छ ।