मन्थली–चरिकोट सडक खण्ड अन्तरगत दोलखाको किर्नेमा ४०० मिटर बढी सडक कटान

रामेछाप । रामेछाप सदरमुकाम मन्थलीबाट दोलखा सदरमुकाम चरिकोट जाने सडक खण्ड अन्तरगत दोलखाको किर्नेमा ठुलो क्षति गरेको छ । गत बिहीबार, शुक्रवार र शनिवारको अविरल वर्षासँगै तामाकोशीमा आएको बाढीले सो सडक खण्ड अन्तरगत ४०० मिटर भन्दा बढी सडक पूर्ण रूपमा कटान गरेको स्थानीयले बताएका छन् ।

बाढीले ४०० मिटर भन्दा बढी सडक पूर्ण रूपमा कटान गरेको र सडक कटान गरेको ठाउँबाटै अहिले तामाकोशी बगिरहेकाले मन्थली–चरिकोट सडक तत्काल सञ्चालन हुने अवस्था नरहेको सडकको निरीक्षणका लागि पुग्नुभएका एमाले रामेछापका सचिव प्रकाश कुमार कार्कीले बताउनुभयो ।

तामाकोशीमा आएको अत्यधिक ठुलो बाढीले सडक किनारमा रहेको धुलिखेल अस्पताल पनि पूर्ण रूपमा क्षति गरेको छ । तामाकोशी तर्फ रहेको अस्पतालको आधा भन्दा बढी भाग तामाकोशीले बगाएका