रामेछाप । सरकारले विपद् प्रभावित पालिकाहरूलाई क्षतिका आधारमा तीन वर्गमा वर्गीकरण गरी राहत उपलब्ध गराउने निर्णय गरेको छ । सरकारले पछिल्लो बाढी पहिरो र डुबानबाट अति प्रभावित पालिकालाई एक करोड, मध्यम प्रभावित पालिकालाई ७५ लाख र सामान्य प्रभावित पालिकालाई ५० लाख रुपैयाँ विपद् व्यवस्थापन कोषमार्फत उपलब्ध गराउने निर्णय गरेको हो ।
सरकारले रामेछापका सबै पालिकाहरूलाई सामान्य प्रभावित पालिकाहरूमा वर्गीकरण गरेको छ । अब रामेछापमा रहेका दुई नगरपालिका र ६ वटा गाउँपालिकालाई सरकारले प्रति पालिका ५० लाख रुपैयाँका दरले विपद् व्यवस्थापन कोषमार्फत उपलब्ध गराउने छ । रामेछापको मन्थली र रामेछाप नगरपालिका, दोरम्बा शैलुङ, खाँडादेवी, गोकुलगङ्गा, उमाकुण्ड, लिखु तामाकोशी, सुनापति गाउँपालिकालाई सामान्य प्रभावित पालिका वर्गमा राखेर प्रति पालिका ५० लाख रुपैयाँका दरले राहत रकम दिने मन्त्रिपरिषद्ले निर्णय गरेको छ ।
प्रतिक्रिया