रामेछाप । रामेछापको गोकुलगंगा गाउँपालिका–६ फर्पुमा शुक्रबार फोर्स गाडी दुर्घटना हुँदा वडा अध्यक्ष सहित ५ जनाको मृत्यु भएको छ । दुर्घटनामा परी एक बालक सहित ३ जना घाइते भएका छन् ।
काठमाडौँबाट गोकुलगंगा गाउँपालिका वडा नं ३ रस्नालु जाँदै गरेको ना १ ज ७१२३ नम्बरको फोर्स गाडी फर्पुमा दुर्घटना हुँदा गोकुलगंगा गाउँपालिका वडा नं ४ बेतालीका वडा अध्यक्ष रामचन्द्र बस्नेत सहित ५ जनाको मृत्यु भएको जिल्ला प्रहरी कार्यालय रामेछापका प्रमुख डिएसपी प्रदीपकुमार सिंहले जानकारी दिनुभयो । उहाँका अनुसार दुर्घटनामा मृत्यु हुनेमा बस चालक हिराबहादुर कार्की रहेको र अन्यको पहिचान खुल्न बाकी नै छ । दुर्घटनामा मृत्यु हुनेमा एक जना अन्दाजी १० वर्षका बालक पनि रहेको प्रहरीको भनाइ छ । प्रहरीका अनुसार बस सडकबाट धेरै तल खसेको छ ।
प्रतिक्रिया